Arunachal Pradesh:Vellore-ah Patients’ Guest House hawng

Arunachal Pradesh chief minister Pema Khandu chuan damlohna avanga Vellore pante phurrit tihziaawmna pakhat atan, Vellore-a Katpadi-ah Arunachal Pradesh Patients’ Guest House chu virtual-in a hawng.

He hmun hi Arunachal Pradesh-a damlo, Christian Medical College (CMC), Vellore-a enkawl mekte tana buatsaih a ni. Chief Minister chuan state aṭangin damlo tam tak chu CMC Vellore-ah enkawlna dawng turin an kal ṭhin a, hun rei tak an awm a ngai ṭhin tih a sawi. Guest house-a thlen man hi a tlawm dawn bakah, thianghlim taka enkawl a ni dawn a, an senso tam tak a chhawk zangkhai thei dawn a ni.

MC record-a a lan danin, thla tin Arunachal Pradesh aṭang hian damlo 466 velin damdawi-in hi an pan ṭhin a, kum tin damlo 5,500 chuang an kal ṭhin. State sorkar chuan an dinhmunte hriatpuiin, damlote’n hun rei tak enkawlna an dawn chhunga an awmna tur Katpadi-a Gandhi Nagar-ah an buatsaih sak ta a ni. Arunachal Pradesh sorkar chuan General Administration Department (GAD) hnuaiah M/s Blossom Hospitality Service nen ṭangkawpin kum thum chhung MoU an ziah hmangin a enkawl dawn a ni.

Guest house-ah hian room 28 a awm a, air-condition room 15 leh air-condition ni lo 13 awmin room tinah mahni duh angin ei leh in pawh siam mai theih a ni ang.