Meghalaya : Shillong-in Public Bicycle Sharing system tlangzarh

Meghalaya chief minister Conrad K. Sangma chuan August 12 khan fitness icon Milind Soman nen Shillong Public Bicycle Sharing (PBS) system hmasa ber an tlangzarh. Hei hi khawpui chhung boruak tihthianghlimna tur atana tih a ni.

Shillong Urban Mobility Policy (2024) hnuaia hmalakna hi motor tel loa veivah leh nunphung hrisel zawk tihhmasawn tumna a ni. PBSS hian Shillong Urban Mobility Policy chu zau zawka kalpui a, khawpui hriselna lama hmasawnna tur a lantir a ni, tiin Sangma chuan a sawi.

Policy hian khawpui chhunga veivahna 35% chu motor hmang lo tura ruahmanna siamin, he system thar hmang hian Shillong chu “walking and cycling city” a nih theihna tura hmalak a ni ang. A thawh khatnaah electric bicycle 20 chuang hman a ni tawh a, eco-friendly hmalaknaah hian mipuite chu tel turin sorkar chuan a ngen.

CM Sangma chuan PBS system hi lirthei tam lutuk avanga khawpui tawt ṭhin tihziaawmna tur atan chauh ni loin, Meghalaya hma lam hun zel atana boruak hrisel an neih theihna tura ruahman a nih thu a sawi.