Arunachal Pradesh : APPSC chairman leh member-ten Governor hmu

Arunachal Pradesh Public Service Commission (APPSC) chairman Prof. Pradip Lingfa leh commission member-te chuan Nilaini khan Raj Bhavan-ah governor KT Parnaik an hmu a, tun hnaia State Public Service Exam zawh fel tawh leh rawtna awm chungchang kalpui a nih dante hrilhin, kum 2024-25 chhunga APPSC annual report an hlan bawk.

Governor Parnaik chuan Prof. Lingfa leh APPSC team-te chu an inpekna leh an thawhrimnaah fakin, exam dik tak leh langtlang taka an kalpui avangin lawmthu a lo hrilh. State tana hnathawk tur lak kawngah a thiam leh tling chauh la turin a chah bawk a ni. "Thiamna tak tak nei candidate lakte Arunachal Pradesh hmalam hun hruaitu tur an ni dawn a, state hmasawnna kawngah nasa takin a pui dawn a ni," tiin Governor chuan a sawi.

Parnaik chuan mipui rinngam nih pawimawhzia sawiin, commission chu dikna vawn nun bakah, langtlang leh ṭha taka hna thawk tlat turin a fuih. Meeting-ah hian APPSC member zingah Col Koj Tari, Rosy Taba leh Jalash Pertin-te an tel.