Assam-in Covid vaccine pek tur list buatsaih

Assam sorkar chuan Covid-19 vaccine pek tur list a buatsaih mek a, March-April hian vaccine sem tur thawh khatna dawn an beisei tih health minister Himanta Biswa Sarma chuan a sawi. 

Pathiannia chan-­ chinthar lakhawmtute a kawmnaah Sarma chuan, "Vaccine hi a hmasa berin health worker hrang hrang - doctor, nurse, ward boy leh medical staff dangte pek an ni ang. Hemi hnu hian frontline worker - police, emergency service staff bakah public servant leh zirtirtute pek leh an ni ang," a ti. 

A thawh thumnaah vaccine hi kum upa lamte leh hri kai awlsam bik, natna benvawn neite pek an ni leh dawn tih health minister chuan a sawi. "Kum 2021 chhung chuan heng catergory pathumte hi kan pek kim hman kan beisei a, a list hi kan buatsaih mek a ni," a ti.