BJP State committe aṭangin Tripura MLA a bang

Tripura-a rorellai, BJP MLA Sushanta Chowdhury chu BJP state committee-a 'invitee member' a nihna aṭangin a bang. 

Sushanta Chow­dhury hian a banna lehkha hi state president Dr Manik Saha hnenah a thehlut a ni. State chhunga party hruaitute chuan MLA ṭhenkhat chu an ngai pawimawh tawk lo hle nia sawiin, amah ngei pawh chu hruaitute duh loh dana party hminga programme dang lo huaihawtah an puh niin a sawi. 

"MLA-in a cons­tituency chhung ngeia programme a huaihawt turah party thuneitute phalna laka ngaih zelna ang chi party hi a awm ngai lo," tiin an state BJP hruaitute chungah a lungawi loh thu a sawi a ni. 

Nikum December thla tir lam khan Chowdhury hian a constituency chhungah party hruaitute laka lungawi lohna rally a huaihawt a, a hlawhtling hle  nghe nghe a ni. Chowdhury hi  chief minister Biplab Kumar Deb laka lungawi lo BJP MLA zingah a tel a ni. 

Chowdhury thawhpui hnai tak, BJP Majlishpur Mandal president Gouranga Bhowmik pawh a hma lawk hian a  hna aṭang hian ban a lo ni tawh bawk a, a thlaktu atan Sumit Chakraborty an ruat nghal.