India ‘green energy powerhouse’ kan la ni dawn : AP CM

Arunachal Pradesh chief minister Pema Khandu chuan nimina Itanagar-a Independence Day lawmnaa thu a sawiah, Arunachal Pradesh chu India rama 'green energy powerhouse' a la ni dawn tih a sawi. Kum 2047-a an state economy danglamna thlen dawrh thei tur hydropower leh renewable energy project lian tak tak an thawk mek tih a tarlang.

Chief Minister chuan kum nga, 10 leh 22 lo awm tura an hmathlir leh hmachhawp tarlanna, “Arunachal Pradesh Energy Vision and Action Plan 2047” siam a nih thu a puang a, kum 2025-2035 chu “Decade of Hydropower” atan an puang tih a sawi bawk.

Power megawatt 2,000 siam chhuahna tur Subansiri Lower project chu May 2026-ah zawh a ni dawn a, MW 2,880 siam chhuahna tur Dibang Multipurpose project pawh thawh mek niin February 2032-ah peih hman tum a nih thu CM chuan a sawi. "Kum thum chhungin hydropower project thar, Rs vbc nuai 2 hu kan hawng leh dawn a ni," a ti. Heng project-te hi energy siam chhuahna tur a ni ringawt lo a, an state thuam chakna tur a ni tiin, state-in kum tin a thlawnin power Rs vbc 4,000 chuang man a dawng thei dawn a, hei bakah tualchhung tihhmasawnna hna thawhna tur Rs vbc 750 a nei thei dawn bawk tih a sawi.