Manipur Governor-in Raj Bhavan-ah meeting kaihruai

Manipur governor Ajay Kumar Bhalla chuan Thawhṭanni khan Raj Bhavan, Imphal-ah IT and Land Resources secretary Th Kirankumar bakah IT department-a senior officer-te meeting a neihpui a, khawtlanga rawngbawlna ṭha zawk pek theihna turin digital ecosystem tihchak a ngaih chungchang an sawi ho.

Sawi hona an neih pawimawh zual zingah AI hmanga case management system hman, e-office service tihchangtlun, khua leh chenna hmun thlirletna atana geographical information system hman, sorkar social media platform kaltlanga mipui hnena hriattirna thehdarh hna tihchangtlun te an tel.

Governor chuan officer-te chu IT hmanga service-te chu a hun taka kalpui a nih theihna atana hma la turin a hriattir a, hei hian khawtlangah rawngbawlna mumal zawk leh langtlang zawk a pek kawngah a pui dawn a ni, a ti. Meeting-ah hian chief secretary Dr. Puneet Kumar Goel leh Governor secretary Sumant Singh-te pawh an tel bawk a ni.