APIIP-ah entrepreneur tam zawk an awm dawn: AP CM

Arunachal Pradesh chief minister Pema Khandu chuan Thawhlehni khan thuchhuah siamin, Arunachal Pradesh Innovation and Investment Park (APIIP)-ah entrepreneur tam zawk an awm theihna turin tihzauh a ni dawn tih a sawi. Tun dinhmuna entrepreneur awm mek 50 aia tam awm theihna tur leh Arunachal Pradesh Entrepreneurship Development Programme (APEDP) huam chin tihchangtlun a nih tur thu a puang.

APIIP hi August 2020 khan Planning, Investment & Finance Department hnuaia din a ni a, state-a startup policy kalpuina tura hmalakna pawimawh tak a ni. Kum tin inelna hrang hrang buatsaih ṭhin niin, entrepreneur ni thei tura thlan chhuahte chu sumdawnna lama hlawhtlinna an neih theihna turin thla 9 chhung incubation leh pre-incubation programme an buatsaih sak ṭhin.

Chief Minister chuan kum li chhungin cohort pathum huam chhungah startup 106 chu puihbawmna an pek tawh thu sawiin, seed funding Rs vbc 4.5 chuang pek an ni tawh a, 38% chu hmeichhe kaihhruai enterprise a ni, a ti. Hei bakah APIIP chuan hmalakna chhinchhiahtlak tak neiin, India rama a hmasa ber atan startup application-a artificial intelligence hmang hmasa ber an ni bawk.