Sikkim : CM-in entrepreneurship scheme hawng

Sikkim chief minister Prem Singh Tamang chuan Ningani khan an state chhunga ṭhalai, mahni kutkawih hmanga eizawnga thuam chakna tur 'Mukhyamantri Yuva Udhyamsheelta Vikas Yojna', (Chief Minister Entrepreneurship Development Scheme) a hawng.

He scheme hnuaiah hian hamṭhatna dawng tur thlan mi 132-te chuan an project senso atana 50%, Rs nuai 5 chu an kutkawih eizawnna puihna turin hlan a ni. Scheme hmang hian ṭhalaite chu mahni eizawnna kawng dap chhuak a, sorkar hnaa an innghahna tihziaawm a tum a ni. Project senso 50% chu ṭhalai entrepreneur te hnenah ṭanpuina anga pek an rawt tih CM Tamang chuan sawiin, sorkarin state chhunga entrepreneurship tihhmasawn a tum thu a tarlang bawk.

Tamang chuan an hmalakna hi ṭhalaite thuam chakna tur a ni tiin SEED Cell, Sikkim INSPIRES, leh Skilled Youth Startup Scheme-te pawh telin, program hnuaiah hian mahni kutkawih thil siam chhuah leh inrintawkna an neih theihna tura chher hriam a tum tih a sawi.

Chief Minister chuan Sikkim ṭhalaite chu mahni kutkawih eizawnna lama inrintawkna nei turin leh, hmasawn zel dan tur kawng dap turin a chah a, mipui tana rintlak leh eizawnna ngelnghet an neih theihna tura thawkrim turin a fuih bawk.