ASHA worker-te vawiin aṭangin nuar dawn

Assam-a ASHA worker-te chuan state sorkar laka an thil phut tihhlawhtlin phutin vawiin aṭanga January 20 thleng nawrh huaihawt an tum. 

ASHA workers' assocation chuan kum 15 chhung state sorkara Health Department hnuaiah theihtawp chhuahin hna an thawk tih sawiin, tunah hian duty 72 pek an ni tih an sawi. Hna pek belh zel an nih avangin an dinhmun siamṭhat sak turin state sorkar a phut a, a ngheta dah an nih theihna tura sorkar laipuia rawtna thehlut turin an phut bakah an lawmman tihpun sak te, an arrear pe chhuah turtein an phut a ni. 

Hun rei tak an thil  phutte tihhlawhtling tura sorkar an phut chung pawhin sorkar chuan a ngaihsak zui lo niin an sawi a, hei vang hian sorkar nawr nan January 6-20 chhung nawrh huaihawtin, hna an chawl dawn tih an sawi.