Imphal-ah War Tourism site siam dawn

Manipur sorkar chuan Imphal-a Koirengei-a oil airfield chu war tourism site atan a siam dawn. 

State sorkar chuan war tourism site-a siamna tur hian ministry of defence hnenah pawh ngenna a thehlut tawh a ni. Chief minister N Biren Singh chuan central security force-te awm mekna, Koirengei old airfield ram transfer dan tur chungchangah review meeting-te pawh an nei tawh tih sawiin, state sorkar kuta hlan a nih hnuah airfield hmun ṭhenkhat chu war tourist site-ah an siam dawn tih a sawi. Hei bakah hian a chhehvelah shopping mall leh sorkar quarters siam dan pawh an ngaihtuah tel dawn tih a sawi bawk. 

Koirengei airfield hi kum 1942-42-a American engineer-te puihnaa siam a ni. Manipur-ah hian Indopui II hunlaia all weather airfield siam pahnih, Tulilal leh Pallel airfield-te an awm  bawk a ni. Hei  bakah hian hemi hunlai vek hian Thoubal, Sapam leh Kangla Siphai-ah fair weather airfield siam an ni bawk.