Nagaland-a uisa zawrh khapna Gauhati High Court-in a titawp lailawk

Nagaland sorkarin an state chhunga uisa zawrh khapna a siam chungchanga Gauhati High Court-a petition a thehluh hnuah, state sorkar hian hun pek chhunga insawifiahna tur chhanna a pek loh avangin khapna thupek a siam chu court chuan a titawp lailawk.

State sorkar hian nikum July thla khan uisa lakluh leh zawrh khapna thupek hi a tichhuak a, mahse Kohima-a uisa zuartute chuan High Court-ah petition an thehlut a ni. September 14, 2020 khan court chuan petition thehluhte hi ngaihtuahin, Nagaland sorkar hnenah insawifiahna thehlut turin a ti a ni. Mahse Thawhṭanni thleng khan sorkar lam hian chhanna a la pe lo a, hei vang hian court chuan hemi chungchang hi a ngaihtuah leh hma chuan uisa zawrh khapna thupek hi a titawp lailawk ta a ni.