Meghalaya : DONOR hnuaia project hna thawhte ennawn

Union minister of state for home affairs Bandi Sanjay Kumar, Meghalaya tlawha zin chuan Development of North Eastern Region (DONOR) project hnuaia hnathawhte ennawnin, hna kalpui dan leh hmasawnnate a fak. Sorkar laipui welfare scheme, a bik takin district leh block-a an kalpui dan chu ṭha a tih thu a sawi bawk.

Minister chuan Pathianni zing khan Raj Bhavan-ah governor Vijay Kumar a hmu bawk a, hemi hnu hian Shillong Secretariat-ah review meeting kaihruaiin, North Garo Hills district-a centrally sponsored program kalpui dan tur sawi ho a ni. Review meeting hi video conference hmanga neih a ni a, district collector Abhishek Shiney chuan hmasawnna atana hmalakna hrang hrang awmte a sawi. Meeting-ah hian Meghalaya chief secretary Shakeel Ahmed leh senior IAS officer eng emaw zat an tel.

Official-te chuan Minister chu Meghalaya-a sorkar laipui hmalakna chu mipuiin an thlawp ṭhat thu an hrilh a, Sanjay Kumar chuan administrative team-te chu hmun hla leh tlangramah pawh welfare scheme hlawhtling taka an kalpui avangin lawmthu a sawi. Narendra Modi kaihhruai sorkar chuan hmarchhak state hmasawnna atan ministry kaltlangin Rs vbc nuai hnih a ruahman thu a sawi bawk.

Union Minister hian Shillong-a infrastructure pawimawh leh institutional project thawh mek a tlawh bawk a, chung zingah chuan NEIGHRIMS, NEIAH, Software Technology Park of India (STPI)-te pawh an tel. IT park-ah hian company aiawhte nen inbiakna neiin, ṭhalaite tan hna an siamsak avangin a fak a ni.