Tripura : Minister-in transmission project lungphum phum

Tripura power minister Ratan Lal Nath chuan August 25 khan state khawpui, Agartala bula Bodhjung Nagar-ah state power sector tihchangtlunna tur, Rs vbc 126 transmission project a hawng.

Project hi Tripura Power Transmission Limited (TPTL) in a thawk dawn a, DoNER Ministry-a Special Infrastructure Development Project aṭangin sum lama puihbawmna an dawng a ni.

Minister chuan state hmasawnna atan power supply ngelnghet neih a pawimawh thu a sawi a, he hmalakna hian power transmission system a tih awlsam dawn bakah a rintlak dawn a ni, a ti. Kum 2031-32-ah Tripura-in power a mamawh chu MW 700 ah a kai chhoh rin a nih thu a sawi a, an mamawh phuhru tur hian infrastructure tihchangtlun a pawimawh tih a sawi bawk.

Kum 2018 aṭanga state-in hma a sawnnate tarlangin, Minister chuan 132 kV substation chu 12 aṭangin 20-ah a pung a, pahnih sak belh mek a ni bawk tih a sawi. 33 kV substation pawh 44 aṭangin 75-ah a kai chho a, darkar 24 chhung power pe chhuak thei tura thuam mek a nih thu a sawi.