Sorkar laipuiin Myanmar buhfai lak tum a thulh

Silchar rel kawng siam a nih avanga Manipur leh Mizorama buhfai harsatna phuhrukna atana sorkar laipuiin Myanmar aṭanga buhfai lakluh a tum chu a ṭhulh.

Hemi chungchang hi sorkar lai­pui chuan tun hnai khan Ma­nipur sorkar a hriattir a, Myan­mar aṭanga buhfai lakluh tuma a hmalaknate chawlhsan turin a hriattir a ni.

Sorkar laipui chuan Manipur leh Mizorama supply a chatlak loh nan Myanmar aṭangin buhfai tonne nuai khat lakluh a tum a, he ruahmanna hnuaiah hian Manipur chuan Myanmar aṭang­in thla khatah buhfai metric tonne 10,000 lakluh a tum a, Myanmar ramri khua,Moreh ah food testing laboratory, godown leh thil ṭul dangte pawh bun tumin hma a la nghal a ni.

Sorkar laipui chuan buhfai lak­luhna atan hian Myanmar sorkar pawh thuthlung a siampui tawh a, buhfai thiar luh dan tur pawh ngaihtuah tawh a ni. Hetihlai hian hmarchhak bial leh Manipur-a public distribution system (PDS) chingpen nasa ṭhin te ngaihtuahin sorkar lai­pui chuan a ruahmanna chu kal­tlangpui loh a tum a ni.

Food Corporation of In­dia (FCI) official te pawh rua­hman­na thar hi hriattir an ni tawh a, Manipur-a FCI official chuan hriattirna a dawn tawh thu a sawi.