Tripura CPI-M MLA thubuai siamsak

West Tripura Gola­ghati bial mipuite chuan CPI-M MLA Ke­shab Deb­barma chu inthlan dawna affidavit dik lo thehlutah puhin, Bishalgarh Sub Divisional Judicial Ma­gistrate hnenah thubuai an thehlut.

Srinagar khuaa mi, Mithu Paul chuan MLA Debbarma lakah hian Oath’s Act Section 9, Re­presentation of People Act Section 125 (A) leh IPC Section 193 leh 420 tlawhchhanin thubuai a thehlut a ni.

CPI-M MLA Deb­barma hian kum 2008 leh 2013 assembly inthlan dawna affidavit a thehluhah a educational qualification a tarlan chu a inang lo a ni. Kum 2008 inthlana affidavit a thehluhah kum 1992-a Tripura Board of Secondary Education hnuai aṭanga HSCL pass angin a ziak a, kum 2013 inthlan affidavit-ah kum 1989-a HSLC pass angin a inziak leh a ni.

Hetihlai hian Cong­ress party student wing, National Students' Union Of India (NSUI) chuan Debbarma ban phutin Pathianni khan Chief Minister Manik Sarkar chenna-in kawtah nawrh an huaihawt.