Sorkar hnathawkte'n nawrh huaihawtah sorkar an vau

All Manipur Government Emplo­yees Organisation (AMGEO) leh All Manipur Trade Union Council (AMTUC) ṭangrual, Joint Administra­tive Council (JAC) chuan an thil phut puitlin nan Manipur sorkar chu July 18 thleng hun a pe a, hemi chhunga chhan­na mumal an hmuh loh chuan nawrh huaihawtah sorkar an vau.

JAC chuan sorkarin an thil phut a bawhzuisak loh chuan July 20 aṭanga hna thawk loa nawrh huaihawt an tum thu a tarlang.

AMTUC leh AMGEO ṭangrual hian a hmain, April 27 aṭanga 29 thleng mass casual leave lain nawrh an lo huaihawt tawh bawk.

Manipur sorkar hnuaia hnathawkte hian Assured Career Progression (ACP) scheme chu sorkar laipuiin a hnathawkte tana a kalpui anga kalpui an phut a, transport allowance chu Dearness Allowance (DA) rate tlukpuia pek an phut bawk. Sorkar hnathawk fate tana children education allowance an phut bakah group insurance scheme (GIS) rate tihsan an phut bawk.