Intihhlum venna atan Sikkim-in centre hawng

Sikkim chuan mahni intihhlum hluar lutuk ven­na atan Gangtok STNM Hospital-ah 24X7 crisis centre-cum-suicide pre­vention helpline a hawng.

Health department leh human services and family welfare chuan Dis­trict Mental Prog­ramme hnuaia an hma­lakna kawng khat atan crisis centre hi an hawng a ni. Helpline number hi 18003453225 a ni a, Human Services and Family Welfare Minister A.K. Ghatani-a'n a hawng a ni.

Kum 2012-a National Crime Records Bureau report chuan Sikkim hi mahni intihlum tamna berah a puang a, mihring nuai khat zela mahni intihlum zat chu 29.1 a ni. Kum 2012 khan Sikkim-ah mahni intihlum mi 181 an awm a, heng zinga 85 hi hmeichhia an ni.