Assam tuilian ziaawm thei lo

Ruahsur nasa avanga Assam-a tuilian chuan ziaawm lam a pan thei lo a, Sibsagar leh Morigaon district chu tuilian thlen palh hlauhawma a awm avangin Pathianni khan thuneitute'n hriattirna an tichhuak.

State Disaster Ma­nage­­ment authority chuan thuchhuah a siam­ah Sib­sagar district-a Sibsagar leh Sonari re­ve­nue circle-ah bakah Morigaon district-a Mayong circle-ah darkar 24 chhungin tui a len theih thu a tarlang.

Hetihlai hian Assam tuilian thawh hnihna chu district pathuma khaw 125-in an tuar mek a ni.

Sonitpur, Dhemaji leh Bongaigaon district-a mi 65,000 in tuilian hi tuarin, an chenna-in leh huante chu tuiin a chim a, hmun tam takah inkalpawhna kawngpui a chim bawk. Bongaigaon district-ah hian chhawmdawl hna thawktute'n relief camp pali an hawng tawh a ni.