Meghalaya : IIM leh AMFI-in inremna siam

Indian Institute of Management (IIM), Shillong chuan Meghalaya puma financial literacy tihhmasawnna tura thawk dun turin Association of Mutual Funds in India (AMFI) chu Memorandum of Understanding (MoU) a ziahpui. Hmalakna hi Shillong-ah kalpui ṭan tur niin, a hnuah state chhung district 12-ah huang zauh tura ruahman a ni.

Inremna an siamah hian IIM Shillong zirlaite chuan SEBI Investor Certification (Level I) leh, NISM V-A Certification (Level II), two-tier program hmangin training leh certification a thlawnin an dawng dawn a ni. Summer internship kaltlangin capacity building leh financial awareness campaign-ah zirlaite an tel bawk ang.

IIM Shillong director Prof. Naliniprava Tripathy chuan institute-in financial literacy kawnga hma lakna a nei chu hmasawnna hmanrua, data-driven research tihchak, leh dan siamṭhatna kawnga a inpekna a ti lang chiang hle a ni, a ti. Zirlaite AMFI certificate hlan an nih chuan certified trainer leh ambassador tam tak a siam dawn tih sawiin, Meghalaya tan nghawng ṭha tak a neih tur thu a sawi.

IIM Shillong hi ram chhunga academic institution zingah mumal taka AMFI nena thawk dun hmasa ber an ni dawn a ni.