Sikkim : CM-in 'Kanuni Sahyog Abhiyan' a hawng

Sikkim chief minister Prem Singh Tamang chuan August 31 khan state mipui tana dan lam inhrilh hriatna tur campaign, 'Kanuni Sahyog Abhiyan' a hawng. Hawnna inkhawmah hian CM Tamang chuan khawtlang mipui hriatna tihzau leh dan lama thiamna neih pawimawhzia a sawi.

He campaign hi Sikkim hmasawnna tura Chief Minister hmathlir 'Sunaulo, Samridha, Samartha Sikkim' nena inzawm niin hmeichhe chawikan, ṭhalaite thuam chak leh ruihhlo laka fihlim Sikkim, Nasha-Mukta Sikkim tihhlawhtlin a nih theihna turin khawtlang mipui zirtirna pek an ni dawn a ni.

Campaign hi Rhenock constituency-a Rorathang-ah hawn niin, kar tin constituency dangah hawn belh zel a ni dawn a, thingtlang leh hmun kilkawr zawka chengte pawhin service aṭanga hamṭhatna an neih theihna turin hma lak a ni ang.

Hmalaknain a tum ber chu dan hmanga dikna chanvo an neihte hrilh hriat, ruihhlo do, chhungkaw buaina, hmeichhia leh naupang dikna chanvo, leh rilru lam hriselna enkawlna kawnga dan pawimawh zirtirna pek bakah, a thlawna dan lama thurawn pek leh affidavit service pek te an ni. Mipui nen inzawmna ṭha siamin, he program hmang hian legal institution leh tualchhung mipui inkara inhriatthiam lohna awm ṭhin chu tihtawp tum a ni.