ULFA (I)-te'n Assam mipuite inlungrual turin ngen

Sorkar laipuiin Citizen-ship Act, 1955 siam ṭhat nana Citizenship Bill 2016 a duan chungchangah, United Liberation Front of Assam- Independent (ULFA (I)) chuan Assam mipuite chu bill siamṭhat tum do let tura inlungrual turin a ngen.

ULFA (I) chairman Abhi-jit Asom chuan, Assam mipuite chu he bill chungchangah hian inlungrual taka awm a ngaih thu sawiin, an zavaia tana pawimawh a nih thu a sawi. Citizenship Bill 2016 hi pass a nih chuan, Pakistan, Bangladesh leh Afghanistan aṭanga India rama pem lut, muslim leh sakhaw hrang hrangte chu India khua leh tui nihna an nei thei dawn a ni. Hei hi hriain Assam-a political party leh pawl hrang hrangte chuan Citizenship Bill 2016 an duh loh thu an au chhuahpui bakah, sorkar laipui chu hmalakna titawp turin an ngen fo a ni.

Hemi chungchangah hian ULFA (I)-te hi rawn ṭawngchhuak ve lehin, Citizenship Bill 2016 chu Assam mipuite tana him lo a ni an ti a, a dolet kawngah ṭanrual a ngaihthu thuchhuah an siam ve leh ta ni.