Mary Kom-i'n PM Modi a thlawp

Rajya Sabha MP, M C Mary Kom chuan, Prime Minister Narendra Modi-a kaihhruai NDA sorkarin eiruk leh sum chheprelh nuai bona chikhat atana Rs 500 leh Rs 1,000 note a ti thi chu a thlawp thu a sawi. Olympic bronze-medalist Kom chuan, Prime Minister Modi-a thutlukna chu fakawm a tih thu sawi bawk. Pawisa note tih thih chuan nasa taka sum chheprelh a dan theih a rin thu sawiin, mipuite chu dawhthei taka sorkar hmalakna ngaichang turin a ngen.

Hetih lai hian Megha-laya-a Tura-ah chuan pawisa thi hian ngawng a nei lian hle a, tunkar Thawhlehni thleng khan dawr 60% zet chu khar a la ni. ATM leh bank dawr-tu an ṭhahnem a, mipui nawlpui nunphung a buai phah hle nia tarlan a ni. Rs 500 leh Rs 1,000 note thi hian Manipur pawh a nghawng hle nia tarlan a lo ni tawh a, mahse zia-awm lam a pan chho leh tawh a ni.