Assam-a inkahna thlengah mi pakhat thi

Assam-a Tinsukia district-ah Nilaini khan inkahna thlengin, civil mi pakhat a thih bakah mi dang pahnihin hliam an tuar.

Pengeri tea estate aṭanga mi pathum, an hnathawkte hlawh tur pawisa lama bank-a kal hawte chuan beih an tawk tih Tinsukia district SP MJ Mahanta chuan a sawi. Police-te chuan heng mite hian ram ngaw-a an tlan laiin beih an tawk tih an sawi a, an zinga pakhat chu a hmunah kahhlum a ni a, midang pahnih te chuan hliam na an tuar tih an sawi. He thil thlengah hian hel pawl zingah an tih a nih thu chhal an la awm lo a, pawikhawihtute hi zawn nghal an ni.

Assam Chief Minister Sarbananda Sonowal chuan inbeihna rapthlak tak a thleng leh ta chu pawi a tih thu sawiin, a dem tak zet tih a sawi. CM chuan thi chhungte leh hliam tuarte a tawrhpui thu sawiin, thi chhungte hnenah cheng nuai nga pek a nih tur thu leh, hliam tuarte inenkawlna senso chu state sorkarin a tum sak dawn tih a sawi.