Project pathum hmangin hna nuai 2.5 siam dawn : Tripura CM

Tripura chief minister Biplab Kumar Deb chuan an state chhim lam, Sabroom-a project pathum- Feni bridge, Special Economic Zone (SEZ) leh Integrated Check Post (ICP) hmang chuan kum 3-4 chhungin hna nuai 2.5 vel siam a ni thei dawn tih a sawi. 

South Tripura district-a Belonia-a hun a hmannaah CM chuan heng project-te hi hman a nih hunah chuan tualchhunga ṭhalaite tan hna thawh tur tam tak a siam dawn a, hmun danga hna thawh tur zawnga an chhuah pawh a ngai dawn lo a ni, a ti. 

Deb chuan kum thum liam ta chhung khan an state chhunga hna thawh tur hrang hrang, hna nghet, contractual leh outsource hna 96,000 siam a ni tih sawiin, project pathum hmang hian ṭhalaite tan  hna thawh tur tam zawk siam a ni leh thei dawn a ni, a ti.