Dzukou Valley ram kang thunun tawh

Manipur-Nagaland border, Dzukou Valley-a December 29 aṭanga ram kang chu thunun a ni tawh a, ni hnih thum hnuah chuan ṭhelh mih vek theih beisei a ni. 

Kohima deputy com­­mi­­ssioner (DC) leh District Disaster Management Authority chairman, Mohammed Ali Shihab chuan ram kang ṭhelh hna hi theihtawp chhuaha thawh a nih thu sawiin,kang ṭhelh nan hian India Air Force (IAF) helicopter pali, Rangapahar Military Station helicopter pahnih leh Dimapur civil airfield ami helicopter pahnihte hman an nih thu a sawi. 

Thawhlehni khan Nagaland chief minister Neiphiu Rio chuan thlawhtheihna hmangin ram kanna hmunte hi a enkual bawk. Ram kang ṭhelhna kawngah Nagaland leh Manipur chuan theihtawp an chhuah thu a sawi a ni.