ULFA (I)-in AP-a oil installation beihah vau

United Liberation Front of Asom (ULFA-I) chuan an sum phut ang pek an nih loh chuan Arunachal Pradesh-a oil installation-te beihah an vau. 

AP-a Changlang district deputy com­missioner, Devansh Yadav chuan helpawlte hian Quippo Oil and Gas Infrastructure Company chu sum pe tura phutin ṭum tam tak an be tawh niin a sawi. Hetih lai hian OIL India thupuangtu chuan helpawl lak aṭang hian vauna an la tawk lo tih a sawi a, mahse an hmunhmaahte venhimna erawh an tihkhauh tawhthu a sawi. 

ULFA(I) hian De­cember 21-a chin hriat loha bo, Changlang district-a oil company-a thawk pahnih, PK Gogoi leh Ram Kum-te chu an pawl rukbo niin an sawi. Heng mi pahnihte chhanchhuah tumin thuneitute chuan hma an la mek a ni.