Assam : Nausen thih vangin GMCH staff member suspend

Assam sorkar chuan August 18-a Gauhati Medical College and Hospital (GMCH)-a Neonatal Intensive Care Unit (NICU)-a nausen thihna a thlen hnuah, staff member pasarih - senior doctor Dr. Anupama Deka leh Dr. Dipankar Hazarika, Dr. Puja, Nurse-in-charge Gomti Devi, ICU technician Ishanjyoti Talukdar, leh staff nurse Chandana Nath-te chu thla ruk chhung a suspend.

He nausen hi hri ṭha lo leh mitliam natna a neih avanga damdawi-inah hian enkawl a ni a, ni li chauha upa niin damdawi lam hmanrua (medical equipment) wire-ah a inkhai hmuh a ni. Assam chief minister Himanta Biswa Sarma chuan he thil thleng hi fimkhur loh leh inthlahdah vang a ni tih sawiin, mawhphurtute chungah khauh taka hmalak a ni dawh tih a lo sawi tawh bawk. 'Ka mit ngeiin thawktute inthlahdah dan ka hmu a, nausen a thih phah a ni. Nurse-te pawh nu an ni a, kei aiin fa chan natzia chu an hrethiam zawk tur a ni," tiin CM chuan a sawi.

Department of Paediatrics postgraduate trainee pahnih, Dr. Hrishikesh Thakuria (2nd Year) leh Dr. Pooja (1st Year)-te chu hna an thawh ṭhat loh vang leh, damdawi-in record tihdanglam tuma puh an nih avangin thla ruk chhung suspend an lo ni tawh bawk.

Thuneitute chuan damlote himna tur leh, critical care facility-a thawktuten dan khauh zawka an zawm theihna tura hma la an nih thu an tarlang.