JCILPS-in bandh huaihawt

Manipur leilung fate hum­halhna atana inner line permit (ILP) system kalpui phuttu, Joint Committee on Inner Line Permit System (JCILPS) chuan Thawhṭanni zan aṭang khan state pumah darkar 19 awh bandh a huaihawt.

Assembly session neih meka state sorkarin Manipur Re­gulation of Visitors, Tenants and Migrant Workers Bill, 2015 a pass chu bill thara thlak phutin JCILPS hian June 2 khan Imphal-ah kawng zawh a lo huaihawt tawh bawk.

JCILPS convenor in-charge Khomdram Ratan chuan, Ma­ni­pur-a pemlutte lak aṭanga lei­­lung fate humhalhna tur dan khauh tak siam an duh thu a sawi.

Hetihlai hian Manipur Uni­versity Students’ Union (MUSU) chuan Thawhṭanni khan JCILPS hma lakna chu an thlawp tih lantirin, campus chhungah darkar 12 awh public curfew a huaihawt.

MUSU president S David Singh chuan ILP system phutna kaihhnawiha pawl dang hma lakna chu thlawp zel an tum thu a sawi a, Migrant Workers Bill, 2015 chu MUSU-in a pawm loh thu a sawi bawk.