Naga nurse te nawrh titawp

Nagaland Staff Nurses Association (NSNA) chuan an thil phut nawrna atana ni 11 awh nawrh an huaihawt chu Thawhṭanni khan an titawp.

NSNA President Catherine chuan Pathiannia emergency meeting an neihah nawrh an huaihawt chu tihtawp an rel tih a sawi a, mahse sorkarin an thil phut a bawhzui sak duh loh avangin dan hremite hmanga sorkar khin an tum thu a sawi.

Nagaland Health and Family Welfare Department Principal Director hnena lehkha an thawn­ah NSNA chuan sorkar dam­dawi-ina damlote an ngaih pawimawh avangin an member te'n hna an thawh chhunzawm leh tur thu an tarlang.

Naga nurse association hian staff nurse kalphung siamṭhat phutin, Nursing Service Rules, 1988 chu amend an phut a ni.

NSNA chuan nursing degree leh diploma nei lo nurse te chu clinical lama hna siamsak tur leh degree leh diploma holder te chu teaching leh tutoring line lama hna siamsak turin sorkar an phut a, hetihlai hian state sorkar chuan Nur­sing Service Rules, 1988 amend dan tur zirchiang turin committee a din thu leh rules amend tur chuan hun a la duh rei tur thu a tarlang.