Sikkim : State Commission for Women-in meeting pawimawh nei

Sikkim State Commission for Women-a member team ruat thar 12-te chuan an chairperson Teny Doma Bhutia kaihhruainain nimin khan chief secretary R. Telang leh director general of police Akshay Sachdeva-te chu Gangtok-a hmuin meeting an neihpui.

Meeting-ah hian hmeichhiate dikna chanvo humhalh, hamṭhatna tihhmasawn, Sikkim puma buaina awm chinfel kawnga commission-in ṭha taka hna a thawh theihna tura state official pawimawhte nen thawh hona nghet zawk siam chungchangte an sawipui a ni. Department hrang hrangten hmeichhiate himna kawnga hma an lakna tihchak leh state puma hmeichhiate chawikanna tur sawi ho a ni bawk.

Commission aiawhte chu Normit Lepcha, Secretary-cum-Project Director of Women, Child, Senior Citizen leh Divyangjan Welfare department-te nen inbiakna nei bawkin, support system tihchakna tur, zau zawka inzirtirna kalpui leh, hmeichhiate tana sorkar program hrang hrang hmanga hriatna tipung thei tura hmalakna awmte an sawiho a ni.

Chairperson Bhutia chuan Sikkim hmeichhiate tan boruak him zawk leh ṭha zawk siam tura inpumkhatna leh thawh hona ngelnghet neih a pawimawh thu a sawi.