Arunachal Pradesh : North East Aviation Summit nei dawn

Arunachal Pradesh khawpui Itanagar-ah 'North East Region Ministers Conference on Civil Aviation - cum- North East Aviation Summit' vawi thumna chu vawiin hian neih a ni dawn.

Summit-ah hian hmarchhak biala Civil Aviation Minister, policymaker leh industry hruaitute an tel dawn. Union minister of civil aviation Rammohan Naidu Kinjarapu leh MoS of civil aviation Murlidhar Mohol-ten an hmanpui dawn bawk a ni. Hmarchhak bialte inthlunzawmna thuam chak leh aviation lama theihna a neih hrang hranga hma lak dante an sawi ho ang.

Sawi honaah hian airport awmsa leh sak thar tihzauh bakah, helicopter service tihhmasawn, thlawhna tenau, general aviation, seaplane, drone, leh a enkawl zui dan, thawm ṭhat leh endikna kawnga hmalakna te pawh sawi ho a ni dawn a ni.

He summit hi Ministry of Civil Aviation leh Federation of Indian Chambers of Commerce & Industry (FICCI) te ṭangkawp buatsaih niin, Arunachal Pradesh sorkarin a thlawp a ni. Arunachal Pradesh-in aviation summit a thlen hmasak berna a ni a, a hmaa summit lo neih tawhte chu Assam leh Meghalaya-ah neih an ni.