Manipur : State MLA-te hmu vek turin PM phut

Manipur-a Congress MLA Thokchom Lokeshwar chuan Inrinni khan prime minister Narendra Modi, September 13-a Manipur tlawh tura ruahman chu Manipur a kal hunah state MLA zawng zawng hmu tur leh, hnam leh hnam inkara buaina awm chinfel kawnga hma la turin a ngen.

Khundrakpam bialtu Lokeshwar chuan Prime Minister chu Imphal leh Churachandpur chauh ni loin Imphal East, Imphal West leh Kangpokpi district pawh tlawh turin a ngen a, ruahmanna fel fai tak siama MLA 59-te chu hmu vek turin a ngen a ni.

MLA chuan National Highway 2-a Kangpokpi kawng chu Meitei tan harsatna awm loa an kaltlang theihna tur leh, Kuki-Zo mite pawh Meitei chen tamna hmuna kal phalsak an nih theihna tur chu ngaih pawimawh a ṭul tih sawiin, national highway kaltlang phal lo tura thu chhuah siamtu Meitei mipuite chu thuneituten man turin a hriattir bawk.