Nagaland : RMSA zirtirtute tiam chin awm loin nuar

Nagaland-ah kum 2016-a Rashtriya Madhyamik Shiksha Abhiyan (RMSA) hnuaia zirtirtu tana lakte chuan nimin, September 8 aṭang khan an thil phut hrang hrang tihhlawtling tura sorkar nawrin tiam chin awm loa nawrh an huaihawt. Zirtirtu nuarte hi 367 a ni.

Pathianni khan Nagaland RMSA Teachers’ Association–2016 hian nawr an tum thu hi sawiin, an hlawh ennawn tur leh service-a hamṭhatna awmte pe ve turinan phut a ni. Kumtin increment pe turin an phut bawk.

Sorkarah an thil phutte hi an thlen hnu pawhin ngaihsak an hlawh lo a, hma lakna a awm loh avangin nimin aṭang khan Kohima-a Directorate of School Education kawtah tiam chin awm loa nawrh hi an huaihawt ta tih an sawi. Boruak muanawm tak hnuaiah nawrh hi an kalpui dawn tih tarlangin, thuneitute lam an inrawlh leh, an thil phut tihhlawhtlin a nih hma chuan tawpsan an tum lo tih an sawi a ni. Civil society group, zirlai pawl, workers' assocation leh mipuite chu an nawrh huaihawt hi thlawp turin an ngen.