Assam : Governor-in Jorhat district a tlawh

Assam governor Laksman Prasad Acharya chuan Zirtawpni khan Jorhat district tlawhin, sorkar scheme hnuaia hnathawh eng emaw zat a ennawn. Governor hian Kakojan huam chhunga 'Ali Chuburi Model Anganwadi Centre' chu tlawh hmasa beri zirlai, zirtirtute leh naupang nu leh pate nen hun an hmang ho a ni.

Governor chuan boruak thianghlim leh hriselna pawimawhzia sawiin, anganwadi center-a stakeholder-te chu campus chhungah thing tam zawk phun turin a ngen a, zirtirtute chu zirlaite hnenah chenna leilung leh a chhehvel vawng thianghlim tura zirtirna pe turin a fuih bawk.

'Gaon Mein Governor' tih hmanga tlawh kualna hun a hmanah, Acharya chuan Holongpara huamchhunga Amrit Sarovar tuikhuah a tlawh bawk. Tuikhuah-a facility-te enfiahin, a chhehvela awmte tana chawlhbuk an siamte pawh a enfiah a ni. Governor hian self-help group member-te hnenah radio leh megaphone a sem a, thing ṭiak a phun bawk.

Jorhat district a tlawh chhung hian self help group (SHG) member-te nen inbiain, sorkar programme leh scheme hmanga mahni intundin bakah, Prime Minister Mann ki Baat programme ngaihthla fo turin a chah a ni. Cinnamara Tea Estate Hospital tlawhin, 'TB Mukt Bharat' chungchanga awareness programme a telpui nghal bawk. He hunah hian TB chungchanga inzirtirna street play neih a ni. Acharya hian Nikshay Mitra scheme hnuaiah TB vei mi 10 hnenah chaw ṭha leh hrisel a sem bawk a ni.