Tripura : Anganwadi worker hnenah smartphone 11,130 sem

Tripura chief minister Manik Saha chuan Thawhṭanni khan Poshan Abihyan hmalakna thuam chakna turin, state chhunga anganwadi worker-te hnenah smartphone 11,130 sem a dawn tih a puang. Smartphone-ah hian Poshan Tracker app dah a ni dawn a, hei hi nu leh naupangte tana nutrition programme kalpui dan enfiahna atan leh, changtlung zawka kalpui a nih theiha tur tih a ni.

Social Welfare leh Social Education-in Thawhṭannia hun an buatsaihah Chief Minister chuan virtual-in hmasawnna hna thawhna tur projet 14 a hawng a, seat 100 awm theihna tur working women's hostel leh seat 50 awmna DIET boys hostel sakna tur lungphum a phum bawk. Hostel hrang hrang sakna tur atan hian Rs vbc 61 ruahman a ni. State sorkar chuan infrastructure lam tihhmasawn a ngai pawimawha, budget atan pawh Rs vbc 7,000 dahin, Kailashahar leh Agartala-ah one-stop centre dahna tur pawh a lo pawm tawh bawk tih CM chuan a sawi.

Saha chuan prime minister Narendra Modi-a'n kum 2047-a Viksit Bhart dinna tura hmathlir a neihte tarlangin, hemi atan hian state hrang hrangte pawh ruahmanna siam turin a ngen a ni, a ti. Tripura pawhin a siam tawh a, hei hi ram pumah pangana a nih phak bakah hmarchhak bial bikah pakhatna a ni, a ti.