Rubber sector-a investment ti turin Assam-in sawm

Assam industries and commerce minister Chandra Mohan Patowary chuan company liante chu an state-a rubber sector-a investment ti turin a sawm. 

Union minister of commerce and industry Piyush Goyal hoa webinar an neihah Patowary chuan JK Tyre, Apollo Tyres, CEAT leh MRF chairman-cum-managing director-te chu Assam-ah investment ti tur hian a sawm a ni.

Union minister Goyal chuan  Automotive Tyre Manufactures’ Association (ATMA)-in kum nga chhunga hmarchhaka ram hectare 2,00,000 a zaua rubber plantation siamna tura cheng vaibelchhe 1,100 invest a remtih avangin lawmthu a hrilh. Hmarchhak biala rubber thar chhuahte chu a quality a ṭha hle tih sawiin, hmarchhak chu rubber chinna atana hmun duhthusam niin a sawi. 

Assam-ah hian rubber hi ram hectare 60,000 a zauah chin a ni mek a, kum khatah rubber metric ton 31.590 tharin, cheng vaibelchhe 427 vel a lalut a, he sector  hnuaiah hian mi nuai hnih velin hna thawh tur an neih phah bawk.