Criminal law thar hnuaiah mipui ngaih pawimawh a ni - Tripura CM

Tripura chief minister Manik Saha chuan, July 1, 2024 aṭanga hman ṭan, criminal law thar pathum Bharatiya Nyaya Sanhita (BNS), Bharatiya Nagarik Suraksha Sanhita (BNSS), leh Bharatiya Sakshya Adhiniyam (BSA) hman a nih hnuah, rorelna dik kenkawhna kawngah mipui ngaih pawimawh zual a nih tawh thu a sawi.

Chief Minister chuan Hapania International Fair Ground-a dan thar chungchanga exhibition neihah thu sawiin, hmarchhak bial pumah dan thar kalpuinaa hmahruaitu zingah Tripura a tel tih a tarlang.

Union home minister Amit Shah chuan tun hnai khan Guwahati-ah high-level meeting kaihruaiin, hmarchhak bial state zawng zawngten criminal law thar kalpui tura hma an sawn dan thlirletna a nei. Harsatna tamtak la awm mah se, Tripura hian hmasawnna lian tak neiin, hmahruaitu state anga pawm a ni, a ti.