Sikkim-ah Global Film Festival 2021 nei dawn

Global Film Cinema Festival 2021 chu Sikkim-ah neih a ni dawn a, a hun tur erawh puanzar a la ni lo.

Kum 2020 khan film festival hi February 28 - March 1 inkarah neih a ni a, festival chhung hian film 40 chhuah a ni. Kumina festival neih tur chungchangah stakeholder-te chuan meeting hmasa an nei tawh a, meeting-ah hian Sikkim Film Board chairperson Pooja Sharma, political secretary to chief minister Jacob Khaling leh filmmaker Ugyen Chopel-te pawh an tel. Meeting hi Manan Kendra-ah neih a ni.

Festival hi Film Federation of India, Sikkim Film Co-operative Society Limited leh Sikkim sorkar thawkhoin an buatsaih a ni a, an tum ber chu tualchhunga film siamtu leh film industry chawi kan a, filmmaker dangte pawh an state chhung film chang tura hip luh a ni.