ST tana seat awm loh thu-ah NEFIS lungawi lo

North East Forum for International Solidarity (NEFIS) chuan Ambed­kar University Delhi (AUD) in tribal zirlaite tan seat pek a nih loh avanga lungawi loh lan­tir nan Thawhṭanni khan Delhi-ah nawrh a huaihawt.

NEFIS hruaitu pahnih chuan AUD Deputy Re­gistrar (Admin) Manish Kumar Bahuguna hmuin, Scheduled Tribe (ST) zir­laite admission pek a nih loh chhan chhui chhuak a, ni thum chhunga action la nghal turin an ngen.

"Ambedkar Univer­sity-ah Delhi pawn lam, a bik takin hmarchhaka tribal zirlaite admission pek an ni ṭhin lo chu a vanduaithlak hle," tiin NEFIS thuchhuak chuan a tarlang.

AUD-ah hian under­graduate course-ah seat 35 ṭheuh a awm a, heng zinga 85% hi Delhi-a zirlaite tana hauh a ni a, a bak 5.25% chauh chu Delhi pawn aṭanga kal, zirlaite tan dah a ni, tiin NEFIS chuan a tarlang bawk.