Tripura-in plastic bag a khap

Leilunga thil awmte tana a him loh avangin Tripura sorkar chuan plastic bag siam, hralh­chhuah leh lakluh a khap.

Tripura State Pollu­tion Control Board (TSPCB) chairman Ami­tava Debroy chuan he thu hi sawiin, Environment (Protection) Act, 1986 leh Plastics Waste (Ma­nage­ment and Handling) Rules, 2011 tlawhchhana thuchhuah siam a ni, a ti.

He dan bawhchhia chu cheng 100 aṭanga cheng 1000 thleng chawi­tir theih a ni ang.

TSPCB offficial chuan dan chu bawh­chhiat nawn a nih chuan cheng nuai khat thleng chawitir theih a nih thu leh kum nga thleng lung-in tantir theih a ni, a ti.

"Dawr emaw industry-in sorkar thuchhuak chu an bawhchhia a nih chuan dawr leh industry te chu kharsak an ni ang, tiin offi­cial chuan a sawi bawk.

TSPCB chairman Debroy chuan polythene leh plastic bag mipuiin an hman ṭhinte chu khawlai leh thli luanna luikawrah te paih ṭhin a ni, a ti a, a ṭawih theih loh avangin hei hian environment-ah nghawng ṭha lo tak a thlen ṭhin a ni, a ti.