Tripura sorkarin a hnathawkte DA a pek belh

Tripura sorkar chuan a hnathawk, mi 209,000 te leh pensioner te dearness allowance (DA) chu 5% a pek belh.

State Finance Minister Bha­nu­lal Saha chuan cabinet mee­ting an neih zawhah he thu hi Thawhlehni khan a sawi a, "State sorkarin sum leh paiah harsatna nei mah se sorkar chuan a hnathawkte DA chu 5% pek belh a rel a ni," a ti.

Saha chuan 5%-a DA pek belh turah sorkar chuan kum khatah cheng vaibelchhe 162.5 a mamawh belh dawn a ni, a ti a, DA pung chu July thla aṭanga pek ṭan a nih tur thu a sawi bawk.

Tripura sorkarin DA a tihpun hnu hian sorkar hnathawkte DA chu 74%-ah a pung tawh a, hetihlai hian sorkar laipui hnuaia hnathawkte DA chu 113% a ni thung.