Headmen te'n VAB clause hnih paih an phut

Meghalaya Khasi Hills district-a khawtlang hruaitu (headmen) 40 ṭangrualte chuan Khasi Hills Autonomous Dis­trict Council (KHADC)-a Congress party kaihhruai Executive Committee (EC) chu Village Admi­nis­tration Bill (VAB)-a clause hnih paih turin an ngen.

Village Adminis­tra­tion Bill hi Khasi Hills huam chhunga traditional headmen te dan hmanga an thuneihna pawmpui tur a ni.

Federation of Khasi States pawhin clause paih tur chungchangah Thawhṭanni khan KHADC Chief Executive Member PN Syiem an hmu bawk. VAB clause pahnih paih an phut hi, clause 13 leh 15 niin, he clause hi village deve­lopment council (VDC) siam tumna a ni a, tradi­tio­nal headmen te chu VDC hnuaia awm tur tih a ni.

FKS advisor Labo­rious Manik S Syiem chuan heng clause pa­hnihte hi paih turin KHADC kan ngen a, a chhan chu clause pahnihte hian Khasi traditional headmen kalphung a tichhe thei dawn a ni, a ti.