Post office kaltlanga banking service pek tum

Sorkar laipui chuan bank awm lohna hmun, thingtlanga mite'n banking service an neih theih nan post office kaltlanga service pek a tum.

Union Communication and IT Minister Ravi Shankar Prasad chuan he thu hi tun hnaia Agartala a tlawh ṭumin a sawi.

Prasad chuan post office-ah hian ATM, pension account leh core banking facility te dah a nih tur thu sawiin, thla thar aṭang chuan ram puma post office te chuan payment transaction an ṭan hman a beisei thu a sawi.

Post office aṭanga payment transac­tion tihna atan hian Reserve Bank of India chuan phalna a pe tawh a ni.

Union department of post chuan India ramah post office 155,000 a nei a, heng zinga 120,000 hi thingtlang biala awm a ni.

"Nikum khan post office 2,590 chuan core banking services (CBS) an hmang tawh a, hemi kaltlang hian mi­nute khat lek chhungin India ram hmun tin­ah pawisa a thawn theih a ni. Post office hrang hrangah Automated Teller Machines (ATM) 115 bun a ni tawh a, ATM dang pawh dahbelh zel a ni ang," tiin Union Minister Prasad chuan a sawi.