Assam sum lakluh a pung
Mihring awm zat aṭanga chhuta Assam-in kum khat chhunga sum a lakluh, state per capita income chu kum 2001-2002-a 13,059 aṭangin kum 2014-15-ah 49,480-ah a pung.
Gross State Domestic Product (GSDP) pawh kum 2001-02-a 4.07% aṭangin 14.85%-ah a pung a, a pun chak zawng hi 324% a ni. Kum 2001-02-a GSDP hi Rs 38,313 a ni a, kum 2013-14-ah chuan Rs 1,62,652 a ni.
Kum 2011-12-a Planning Commission-in a tarlanah Assam GSDP pun chak zawng hi India rama state hmasawn zawk, Gujarat, Odisha, Punjab, Rajasthan, Tamil Nadu, Uttar Pradesh leh West Bengal te aiin a sang zawk a ti. Hemi hun chhunga Assam per capita income pawh Haryana, Himachal Pradesh, Karnataka, Kerala, Odisha, Punjab, Rajasthan, Tamil Nadu, Uttar Pradesh leh West Bengal te aiin a san thu a tarlang bawk.
Nationalised bank leh financial institution te pawhin Assam-ah branch tam zawk an hawn belh a, kum 2014-15 chhunga Assam bank hrang hranga pawisa dahluh zat chu Rs vaibelchhe 76,795 a ni a, kum 2001-02-ah chuan vaibelchhe 10,992 chauh a ni. Bank te'n pawisa an pekchhuah leh an puktir pawh kum 2003-04-a vaibelchhe 3,663 aṭangin kum 2013-14-ah chuan vaibelchhe 33,763-ah a pung bawk.