Prasad-a'n post office sakna tur lung a phum

Union Communi­cation and IT Minister Ravi Shankar Prasad chuan video conference kaltlangin Dimapur Main Post Office sakna tur lung a phum.

Union Minister Pra­sad hian tun hnai khan Agartala Post Office-a core banking service hawnna a telpui a, hemi ṭum hian video hmangin Dimapur-a post office sakna lung a phum nghal.

Nagaland Division Postal Services director Som Kamei chuan Di­mapur Main Post Office sakna tur chu kum sarih kalta khan pawm a nih tawh thu sawiin, building thar sak tur chu lawmawm a tih thu a sawi a, Nagaland-a postal service-in a chang­tlun phah a beisei thu a sawi bawk.

Kohima Post Office chu Nagaland-a postal service hmunpui ber a nih thu sawiin, sub-post office 42 leh branch office 270 a awm thu a sawi.

Kohima office chauh chu Nagaland-a Core Banking System (CBS) hmang a nih thu Kamei chuan a sawi bawk a, financial year tawp chuan district headquarters-a office-ah CBS hmantir hman vek an tum thu a sawi bawk.

Kamei chuan Dima­pur-a Indigo Airlines service nen an thawhdun hnuin, postal courier ser­vice pawh a changtlun phah thu leh bungraw thawn chhung a tawi phah thu a sawi.