Gogoi-a'n state list-a thingpui dah a duh

Assam Chief Minis­ter Tarun Gogoi chuan thingpui chu state thu­neih­na hnuai, state list-a dah turin Union Minister of State for Commerce & Industry Nirmala Sitharaman a ngen.

Union Minister Sitha­raman hnena lehkha a thawnah Gogoi chuan state list-a thingpui dah a nih chuan tea industry, thingpui huan leh a hnathawkte chung­chang chu state sorkarin ṭha zawka a ngaihven theih tur thu a sawi.

"Thingpui hi India-in zalenna a hmuh tirh phat aṭanga kan hralhchhuah tam ber a ni a, mahse kum 65 chhungin thil tam tak a danglam hman a ni. State leh sorkar laipui khaikhinin state sorkar chuan thingpui leh a kaihhnawih thil chu a buaipui hneh zawk ngei ang," tiin a sawi.

State list-a thingpui dah chu mipui tam zawk duhdan a ni a, a bik takin thingpui huana hnathawkte chuan an duh zawk a ni, tiin Assam Chief Minister chuan a sawi bawk.