Nagaland leh Tata Trust-in MoU ziak

Nagaland sorkar chuan district pathum - Phek, Kiphire leh Tuensang-a chhungkaw 10,000 din­hmun chawi kan nan Tata Trusts chu memorandum of understanding (MoU) a ziahpui.

Tata Trusts hnuaia North East Initiative De­­ve­lopment Agency (NEI­DA) chuan Naga­land-ah hmasawnna programme hi a kalpui ang a, Nagaland sorkar nen ṭangrualin thingtlanga chhungkaw rethei leh sum lakluh tlemte tan retheihna umbo hna an thawk ang.

Programme kalpuina atan hian vaibelchhe 134 ruahman a ni a, Tata Trust chuan NEIDA hnen­­ah vaibelchhe 30 a pe ang. State sorkar leh Tata Trust te thuthlung hian kum nga a awh ang.

Programme hnuaiah hian chhungkaw tinte chu a tlem berah kum khat chhungin nuai 1.5 lakluh tir tum a ni a, hemi atan hian vawk vulh, agriculture, horticulture leh ramngaw behchhana eizawnna hrang hrang dapsak an ni ang. Thiamna ngaite leh bul ṭanna sum ngaihtuahsak an nih bakah an hmalakna enpui a ni bawk ang, tiin Tata Trusts Deputy Development Manager Ratno Dharani chuan a sawi.