APCC-in senior member 5 a hnawtchhuak

Assam Pradesh Cong­ress Committee chuan party aṭangin senior member panga a hnawtchhuak.

Assam Congress pre­si­dent Anjan Dutta chuan All India Congress Committee (AICC) hruaitute leh Chief Minister Tarun Gogoi te a rawn hnuah he thutlukna hi a siam a, an hnawhchhuah zingah hian MP hlui leh MLA vawi thum lo ni tawhte pawh an tel.

APCC chuan party chhunga helna emaw party kalphung zawm ṭha lote chungah ngaih­hnathiamna pek a tum loh thu a tarlang bawk.

Member panga hnawh­chhuahte hi MP hlui Bolin Kuli, MLA atana vawi thum thlan tlin tawh Hiranya Bora, Rana Khan, Adil Shah leh Diganta Kalita te an ni.