AP-in Education Amendment Bill a pass

Arunachal Assembly chuan Ningani khan voice vote hmangin Arunachal Pradesh Education (Amend­ment) Bill 2015 a pass.

Education Minister Tapang Taloh chuan bill chu zirtirtu posting leh transfer chungchang mu­mal zawka kalpuina tur a ni tiin, state sorkar chuan zirna tihchangtlun nan theihtawp chhuaha a beih zel a tum thu a sawi.

Bill sawihonaah Home Minister Tanga Byaling chuan zirtirtu mahni post-a awm duh loa, district head­quarters chauha awm tumte chu mak a tih thu sawiin, hetiang zirtirtute chu hlawh pek tlak a ni lo, a ti a, bill thar chu mipuite thil duh leh beiseina pui­tlintu tur a ni, a ti.

Congress MLA Nya­mar Karbak chuan sorkar school te chu a ṭha lote dah khawmna a ni, tiin sorkar school-a zirtirtute pawhin an fate an luhtir duh loh thu a sawi.